Alp Wängi - Chinzertal
Dr Wäg vum General Suworow
Laag
D Alp Wängi liit ä halbä Kilometer hinder em Wiler Liplisbiäl uf ärä Heechi vu 1400 bis 1500 Meter uber Meer und diänet als Underschtafel. Oberschtafel isch d Alp Chinzertal.
Bsunderhäit
Dr Namä vu dr Alp wiist uf nä grasriichä, aber schtotzigä Bärghang. Ds Chinzertal isch beriähmts wordä, wil d Truppä vum russischä General Suworow dr nit äifachi Wäg dur das Tal ggangä sind.
Chääs
D Produkti vu dr Alp Wängi wärdet zum greeschtä Täil privat under d Lit prungä. Ä chliinä Täil gaht a d Gnossäschaft Ürner Alpchääsproduzäntä.
«Ä armi Seel gäischteri uf dr Alp Wängi umä. Das Wibervelchli chääm ab und züä äü i ds Näscht vu dä Hirtä und ghiiji si fascht üs em Bett üsä.»
Ürner Sagäwält